السلام عليكم حبيباتي كيف راكم؟ اتمنى تكونو بالف خير!
تدوينة اليوم ان شاء الله غادي نشارككم خطوات بسيطة للعناية باليدين.
انا كندير مجموعة صغيرة من الخطوات السهلة والبسيطة فقط مرة فالاسبوع.
الخطوة الأولى فاي روتين للعناية ديال اي منطقة فالجسم سواء الوجه اليدين او الرجلين هي التنظيف، لازم نظفو يظينا مزياان باي صابون متوفر عندنا حبذا لو يكون صابون من الصيديلة او من مكان موثوق ويكون طبيعي،انا كانستعمل هادا الصابون من عند ماركة مغربية NATURA MAROC (ضغطو على الاسم باش تشوفو صفحتهم عندهم منتجات كلها طبيعية وباثمنة جد جد مناسبة ان شاء الله غادي يكون على منتوجاتهم مقال خااص).
المهم التنظيف تم التنظيف وحكو ضفيرات مزيان بشي شيتة رطبة و نشفو يديكم 
الخطوة التانية هي التقشير اي الكوماج ممكن تستعملو اي غوماج متوفر عندكم انا كنستعمل كوماج منزلي الصنع بالقهوة و زيت جوز الهند رائع البنات جربوه ممكن تستعملوه لاي منطقة فالجسم حتى الوجه كايحيد الجلد الميت و زيت جوز الهند كايرطب البشرة، مور مانطبقو المقشر نفركو مزيان يظينا و صبيعانتا ونخليوه مدة 20 تانية من بعد نغسلوه بالماء الفاتر باش يتحيد الزيت. واكييد غادي تلاحظو الفرق
واخر مرحلة واهمها هي الترطيييب كانقولها وكاناكد عليها مور اي روتين رطبو البشرة ديالكم بالكريم المناسب ليها، او اي كريم متوفر عندكم وكايوالم البشرة ديالكم حاليا لقيت راحتي فهاد الكريم مور الحمام و مور روتين اليدين والرجلين كانستعملو ترطيبو خطيييير كايدخل للبشرة دغيا و فيه ريحة غزالة ريحت الفاني
اتمنى المقال يكون نال اعجابكم نتلاقااو ف تدوينة جديدة ان شاء الله 😘😘
0 التعليقات:
إرسال تعليق