السلام عليكم حبيباتي كانتمتى تكونو بالف الف خير ❤
اليوم حبيت نشارركم روتيني الحالي للعناية بالبشرة في فصل الخريف (بشرتي مختلطة) الروتين ايضا يصلح لاصحاب البشرة الذهنية.
هاد الروتين كانسعملو يوميا فكل ليلة قبل ما ننعس، فبعد يوم طويل الشرة ديالنا كاتكون محتاجو للعناية والراحة، كما ان المسام كايكونو مسدودين بالمكياج اليومي او واقي الشمس او الاوساخ...
اول خطوة خاصنا نبداو بيها هي مسح الوجة جيدا من المكياج او اي رواسب... بمزيل المكياج لي متوفر عندكم او يمكن ليكم تصايبوه فالبيت (الوصفة من هنا).
انا حاليا كانستعمل هاد مزيل المكياج من GARNIER كاينقي الوجه مزيان و كايحيك حتى المكياج لي ضد الماء
من بعد ندوزو للخطوة الثانية لي هي تنظيف الوجه بالغسول المناسب لنوع البشرة ديالكم الى معرفتوش تختاروه ممكن تستعملو منظفات خاصة بجميع انواع البشرة بحال الي كانستعمل حاليا من عند YVES ROCHER بالبابونج، كاينقي مزيان البشرة و كايعطي احساس منعش بعد الغسل من الاحسن تستعملوه مع فرشات تنظيف باش تحصلو على تنظيف عمييق للبشرة ديالكم و تتخلصو من جميع الاوساخ والترسبات لي كاتجمع طيلة اليوم .
الخطوة الي كاتجي مور التنظيف هي الترطيب لي هي اهم خطوة، من الاحسن تستعملو كريم مرطب خاص بنوع البشرة ديالكم وتختاروه بحذر شديد حيت البشرة بعد التنظيف كاتكون حساسة و المسام مفتوحين...حاليا يلاه بديت كانستعمل هاد الكريم من YVES ROCHER على حسب ما كايقولو كاتسد المسامات و كاتحيد المشاكل لي كاتكون فالبشرة بحال التصبغات... انا ظعنديش هاد المشاكل من غير مشكل المسام و ان شاء مور مانزيد نستعملها غادي نعطيكم رأي ديالي عليها بالتفصيل فتدوينة بوحدها.حاليا لي نقدر نقولو عليها انها كاترطب مزياان البشرة
واخييرا ماننساوش الشفاه ديالنا حتى هما داخلين فالرةتين المسائي ديالي، وضرةري نعناتيو بيهم باش الى حطيتو الحمرة او احمر شفاه بيانو نقيين وبلا تشققات
اول حاجة هي التقشير و كانستعمل ليهم هاد المقشر من YVES ROCHER (غاتلاحظو بلي بزاف ديال المنتوجات ديالي من هاد الماركة،حيت فعلا منتوجاتهم رائعة وتستحق الواحد احط فيهم فلوسو) بنكهة المشمش غزال بزاف والحبيبات ديالو رقاق مكايجرحوش نهائيا اي بلاصة قشرتيه بيها
واخر خطوة هي ترطيب الشفاه يمكن ليكم تستعملو اي مرطب انا هادا هو المفضل عندي لي كل مرة كايسالي كانعاود نشريه اولا كايرطب، وفيه ريحة زوينة و عااد كايخلي واحد اللوين وردي بارد فالفم بامكانكم تستعملوه ف اي وقت
كانتمنى الموضوع اكون عجبكم الى تدوينة جديدة انشاء الله 😙😙
 ...){kind=link}
0 التعليقات:
إرسال تعليق