♡♡Haul Newchic #1♡♡

السلام عليكم حبيباتي ❤ توحشتكم بزااف 😍.

اليووم جيت نشارك معاكم مشترياتي الجديدة من موقع صيني Newchic لي فيه مجموعة من المنتوجات المختلفة بما فيها الجمال والموضة...

مدة التوصيل في الموقع 30 يوم على الاغلب، الجزء الاول من الطرد وصلني ف 28 يوم مي التاني حصل ف بريد المغرب من 7 فشهر يونيو حتال 30 فشهو يونيو يعني 24 يوم وهوما شادينو علاش الله اعلم. (الصورة توضح مراحل وصول المنتج)

المهم ماعليناش 😒

الجزء الاول من الطرد فيه مجموعة من فراشي المكياج (20 فرشات).

وصلو مزيانين و الجودة رااائعة مافيها مايتقال ، بحال الصورة بحال المنتج لي وصل بامكانكم تديرو المقارنة مع الصور من الموقع و الصور لي لتحت

كيف سبق قلت كايينين 20 فرشات اغلبهم خاصين العينين و ثلات بس صالحين للوجه (فاونديشن،كونتور...)

ولي بقا راه كاينين ديال تحديد و رسم الحواجب، رسم الايلاينر،ظل الجفون...

و كاينين ثلات فراشي عندهم جوج ريوس 😜

الرابط مباشرة للفراشي 👈https://goo.gl/dcxC5N

الطرد التاني لي وصلني فيه هاد الحقيبة السوداء الرائعة واخة الجودة ماشي كيفما توقعتها زائد فيها رائحة البلاستيك 😝 مي ماعليش حيت الشكل ديالها زوين غطا على هاد الجانب السلبي.