وعجبوني بزااف داكشي لاش قلت ضروري نشارركم رأي ديالي عليهم.
أول منتج هو هاد الجيل دوش الراااائع بنكهة التوت و اللوز صراحة واحد الميكس واعرر بزااف و الريحة كاتبقى فالجسم مور الحمام، كنت خديتو ب 29 درهم ♡♡
المنتج التاني هو هاد الغسول ديال الوجه المنعش للبشرة 😍 روووووعة كانقي مزيان البشرة و مايخلي واحد الملمس رطب و مكاينشفش بزااف الوجه يعني كايحيد غي الذهون الزائدة صافي، زيادة على ذالك كايخلي واحد الانتعاش هائل، الثمن ديالو 50 درهم او 55درهم مبقيتش عاقلة مزيان 😜
المنتج الثالث هو هاد كريم المرطب لليدين ،التركيبة ديالو خفيفة مي مكاتدخلش دغيا للبشرة يعني مكتشربهاش البشرة دغيا، ترطيب ديالو جيد وكايدوم مدة طويلة الثمن ديالو 26 درهم فالتخفيض ايلا مزاال عاقلة حيت مدة طويلة شوية هادي باش خديتهم .
المنتج الرابع والاخير هو هاد الكوماج، سكراب، مقشر، بنكهة المشمش، اول حاجة الرييييييحة روووعة بزااااف كاتزعمك انك تستعملب المنتج واخة مايكون فيك لي اديرو 😂😂😜😜.
الحبيبات لي فيه رقاق بزاف خفاف على البشرة كايقشرو مزيان وكاينقيو البشرة تنقية عميييقة، ماكايجرحوش الوجه، هادا خديتو هدية مع المشتريات لي خديت.
بنات كانصحكم نديرو البطاقة ديال yves rocher, حيت كاتستافدو من بزاف ديال العروض و كل شهر تاتكون هدية مع المشتريات لي كاتاخدو.
كانتمنى تكونو ستافدتو معاية فهاد التدوينة ♡♡نتلاقااو فتدوينة جديدة
❤❤
0 التعليقات:
إرسال تعليق