Haul, Revue...Banggood part 1 ♡♡

السلام عليكم حبيباتي ♡ كانتمنى تكونو بالف خير

اليووم كيف ما شفتو فالعنوان حبيبت نشارك معاكم بعض المشتريات لي خديت من الموقع الآسيوي Banggood .

توصلت بالجزء الاول وحبيت نوريكم شنو فيه ♡♡

ايلا كنتو مهتمات تبعو القراءة للنهاية بييززوويااات 😘

اول حاجة بغيت نهضر ليكم شوية على الموقع🤔

كيفما كانعرفو المواقع الآسيوية طريقة الشراء فيها تتم بالبطاقة البنكية الخاصة بالشراء عبر الانترنيت i card هاد البطاقة ممكن تحصلو عليها بسهولة من البنك لي مشتركين فيه (ناس لي قل من 30 سنة وماعندكمش البطاقة عليكم ب CIH ) ، وبالنسبة للجمارك فمن الاحسن ماتفوتوش 50$ فالشراء باش تفاداو الضرائب.

ثم عندنا التوصيل، الموقع كايوصل للجميع البلدان فالعالم بمافيهم المغرب و المدة لا تتجاوز شهر (الكولي كاتعطل فالمغريب ) وحاولو تحصلو على رقم باش تبعو الكيولي ديالكم هاكة تتفاداو تجلا ولا تسرق ليكم الرقم كايسالي بجوج حروف لي كايعنيو الدولة مناش جاية الكولي.

ممم دبا ندوزو لاهم حاجة لي هيا الثمن، $$

الموقع كانشريو منو وب $ او بامكانكم اختيار العملة لي بغيتو، ثمن المنتوج على الموقع داخل فيه التوصيل، يعني فاش تايبان ليك الثمن طالع ديري فبالك بلي داخل فيه ثمن التوصيل للدولة لي نتي فيها . طولت عليكنم واقيلة سمحولي، دابا ندوزو لشنو شرييت 😍😍

خديت اربع منتوجاات اول حاجة وصلاتني هيا هاد فراشي les pinceaux بلابيض والذهبي وصلو مغلفين مزيان مافيهم ولو خدشة، كاليتي مزيانة شعيرات ديالهم ماكايطيحوش، غي وااحد الحاجة لي ماعجباتنيش هي ريحتهم، فيهم ريحة ماعرفتش كيفاش نوصفها ليكم مهم خايبة مي ملي تغسلو تحيدات منهم.

وصلوني عشر فراشي خمسة للوجه و خمسة للعينين

لي تقدر نقوول عليهم انهم طووب زوينيين و الخدمة بيهم مزيانة، وحتى الثمن جد مناسب لايتعدى 9$ انخلي ليكن ليان ديالهم لتحت👇

ثاني حاجة توصلت بيها مور الفراشي ب يوم تقريبا هي هاد الماسك الاسود ديال الفحم الخاص بالنقط السوداء

وصل كذالك فافضل الاحوال معبا مزيان وسط العلبة كان الكريم او الماسك و كتيب للارشادات وملعقة صغيرة لتوزيع الماسك على المنطقة لي بغينا، (تجربتي معاه والبديل المنزلي ديال الماسك الاسود في تدوينة الماجية ان شاء الله)

تالث حاجة وصلاتني ولي خيباات املي شوية ههه زيادة وصلات شوية مهرسة هيا هاد السلسال او العقد

الصراحة كنت كانتسناها تكون طويلة شوية مي للاسف خاصني نزيدها سلسة اخرى يلاه تبان من تحت الحجاب والحاجة التانية لي ماعجباتنيش هي وصلت مفكوكة شوية و شي سنينات مكاينينش يعني مكانتش مغلفة مزيان بحال لي سبقوها، مي ماعليش حاولت نعدلها شوية ورديتها كيبغيت، اللون ديالها نحاسي غزاااال كايجي مع اي حاجة لبستيها.

واخيراا وصلااتني هاد تروس

trousse

لي فعلاااا روووووووووعة، متقونة من حيث الخياطة، الثوب زوين مكايشدش الوسخ، لي موتيف حتا هوما .غزاالين،،خلاصة القول كوب دو كوغ وخلاص

ختاريتها فهاد اللون الباج او البيج فيها لويناات خرين السنسلة باش تاتسد فيها موتيف ديال فراشة نحاسية، كاتهز بزااف بزااف ديال الحاجات وتقدري تحطيها وسط الساك ديالك