السلام عليكم أميرات كيف حالكم ♡♡
اليوم حبيت نشارككم رأي ديالي حول عينات كنت توصلت بيهم من عند متجر الكتروني مغربي خاص بمواد التجميل الطبيعية،(زيوت،صلصال،كريمات...)
سيفطولي مجموعة من العينات (ثلات زيوت،كريم ليلي، صلصال اخضر) لي جربتهم مدة لابأس بها وحبيت نشارككم رأيي بكل صراحة.
وصلني البوكس مغلف مزيان عن طريق امانة، لقيت فيه كيس اسود عليه اسم البوتيك، Mille Nuances، وفي داخل الكيس تفاجأت بعلبة ذهبية مطروز عليها خميسة باللون الفضي، العلبة مصنوعة من الجلد المزيف شكلها شيك،انيق،بديكور بسيط مغربي تقليدي.
طريقة فتح العلبة واغلاقها جد مميزة، كاينة صديفة كاندورو عليها الشوشة وها العلبة تسدات.
طريقة فتح العلبة واغلاقها جد مميزة، كاينة صديفة كاندورو عليها الشوشة وها العلبة تسدات.
داخل العلبة كانت مجموعة متكونة من ثلات زيوت وصلصال اخضر وكريم مرطب للاستعمال الليلي:
اولا زيت الاوكالبتوس♡
لي جد غني عن التعريف استعملتو فالحمام المغربي ديالي، ممكن استعمال ديالو للشعر الوجه بدون خوف لانو مطهر ومعقم...
واستعملتو لشي حبيبات كانو فالجبهة ديالي، مدة قصيرة ونشفو وحتى الآثار ديالهم مابقاش.
ثاني زيت هو زيت الحبة السوداء♡
لي جد مفيد للبشرة،مضاد للتجاعيد،وعلامات تقدم البشرة، ممكن تستعملوه فالليل ولا مع الماسكات لي تاتستعملو.
انا كانخلطو مع ماسك الارز والحليب ولا كانستعملو بوحدو على البشرة ديالي فالليل.
ثالث زيت هو زيت اللويزة ♡
استعملتو فالحمام الخاص بالزيوت ريحت اللويزة تساعد على الاسترخاء، وتعقيم،ترطيب الجسم.
معرفتش فاش مزال ممكن نتسعملو🤔🤔 ايلا عندكم شي فكرة شاركوها معاية فالتعاليق♡
وتوصلت ايضا بالصلصال الاخضر♡
الصلصال الاخضر او الطين الاخضر، غني بالمعادن النافعة للبشرة والشعر، استعملتو مع ماء الورد لمدة لاتتجاوز 10 دقائق وكلما كايشف كانعاود نرطبو بماء الورد. هاكة البشرة كاتستافد قدر الامكان من المعادن الموجودة الصلصال.
واخيرا كريم للاستعمال الليلي♡
كريم ليلي مرطب للبشرة بعشبة اللويزة، كايرطب مزيان البشرة، ترطيب طبيعي. زيادة على رائحة اللويزة لي فعلا رووعة.
هادو كانو محتويات البوكس لي وصلني من Mille Nuances منتوجات زوينة طبيعية ماعندي حتى فكرة على الاثمنة مي تقدرو تشوفو صفحتهم 👇
دمتم في رعاية الله الى موضوع جديد ان شاء الله 😚😚😚😚
0 التعليقات:
إرسال تعليق