السلام عليكم أميرات اتمنى تكونو بالف خير ❤
في تدوينة اليوم ان شاء الله غادي نهدر ليكم على واحد الماركة كتاشفتها مؤخرا و الي صراحة ماعندي مانقول عليها من غير رائعة جدا جدااااااا
اسم الماركة NATURA (ضغطو على للاسم باش تمشيو مباشرة للصفحة ديالهم) هي ماركة خاصة بمنتوجات العناية (صابون،شامبو،كريمات....) عندهم جميع انواع المنتوجات لي ممكن نحتاجو سواء للنساء والرجال وحتى الاطفال ، والاهم فهادشي انها ماركة طبيعية 100% كل المنتوجات لي عندهم تعتمد على مواد طبيعية بحال الارغان،الزيتون، العود الملكي، المسك، والصابون الاسود المغربي... وكذالك مصنوعة من ايادي مغربية يعني الماركة مغربية 100%.
أول حاجة جربتها هي هاد الكريمة ديال الترطيب، التركيبة ديالها جد خفيفة دغيا كاتتدخل للبشرة اي كاتمتصها كامل و كاتخلي واحد الترطيب جد جد رائع كانصحكم بيها البنات خصوصا فهاد الفصل البشرة ديالنا كاتخصها عناية كبيرة والريحة ديالها غزالة بزاف ماكاتقهرش نهائيا
تاني منتوج هو هاد سائل الاستحمام بالصابون الاسود المغربي التقليدي وزيت الزيتون وزيت الرغان 3 في 1 لي من الاحسن تستعملوه مع الليفة المغربية (الكيس) باش تحصلو على الترطيب، وتحيدو الجلد الميت.اما الريحة فجد جد رائعة رائحة العود الملكي و المسك كاتتعطي واحد الاحساس بالسترخاء.
المنتوج التالي هو سائل الاستحمام بزيت الارغان واكليل الجبل او اليازير كيف كانسميوه بالمغربية.
بحالو بحال سائل الاستحمام الاول من حيت المميزات وطريقة الاستعمال، اما الريحة فكاتفكرنا فالجدات ديالنا وخلطات الاستحمام لي كانو كايستعملو
واحسن احسن منتوج ولي كان هو coup de coeur ديالي هو هاد الشامبو بزيت الارغان والله البنات حتى لاحظت اختلاف كبيير فالشعر ديالي (شعري ذهني) كاينشف الشعر من الزيوت الزائدة فقط، ومبقاش كايطيح لي كيفما الاول زائد ناوية ان شاء الله هو لي نبقا تستعمل فقط، اما الرائحة فزوينة بزاف لبنات لي شعرهوم مزيت كانصحكم بيه 👍
المنتوج التالي هو هاد الحليب ديال الجسم لمابعد الاستحمام بمجموعة من الزيوت كزيت الزيتون، الارغان، واللوز...الترطيب ديالو خطير والتركيبة ديالو سائلة ودغيا كاتمتصها البشرة
من بعد عندنا سائل لغسل البدين بزيت الارغان، الرائحة ديالو زوينة بزااف مكاينشفش اليدين.
من بعد عندنا هاد الصابون الطبيعي لي كايحد المكياج وكايعتاني بالبشرة ديالنا كاينقي الوجه مزيان وكايحيد جميع الرواسب لي كاتكون فالبشرة
و صابون المرطب لي فيه 25% من كريمة الترطيب ولي حتى هو من مواد طبيعية غير مضرة بالبشرة ومضاد للبكتيريا
واخييراا عندنا هاد المجموعة الصغيرة من الصابون بنكهات مختلفة
اول وحدة بزيت الارغان معطر برائحة العود و المسك
التانية بزيت الزيتون و لي قربت نساليها كانستعملها فالروتين ديالي للعناية باليدين (المقال من هنا) برائحة العود و المسك
التالثة بالغلسيرين وغنية بالفيتامين C برائحة الحامض
صفحتهم على الفيسبوك ICI
صفحتهم على الانستغرام ICI
اتمنى المقال يكون عجبكم ونكون قربتكم للمنتوجات الاثمنة جد جد مناسبة وفالمتناول ديال الجميع ابتداء من 5 دراهم بامكانكم تلقاو منتوجاتهم من هنا
نتلاقاو فتدوينة جديدة ان شاء الله 😘😘
0 التعليقات:
إرسال تعليق