السلام عليكم حبيباتي كانتمنى تكونو بالف خير اليوم وعلى غير العادة قررت نولي نكتب ليكم بالداجة المغربية بطلب من العديد منكم.
كيفما قريتو فالعنوان في موضوع اليوم حبيت نشارككم ن تجربتي مع كريم واقي من اشعة الشمس DAYLONG .
هاد الكريم الواقي كايجي عبارة عن حليب القوام ديالو خفيف جدا على البشرة ماكاتحسيش نهائيا انك دايراه على وجهك, اكثر من ذلك كايوفر ليك حماية قصوى للبشرة ديالك من اشعة الشمس الضارة.
- صالح لجميع انواع البشرة وممكن تستعمليه لجسمك ايضا.
- الكريم مضاد للماء ممكن تستعمليه حتى اثناء السباحة.
تطبيق الكريم على البشرة ساهل و حيت القوام ديالو رطب البشرة دغيا كاتمتصو زيادة على ذلك كاتحسي بالبشرة ديالك مرطبة كانك استعملتي كريم مرطب قبل الواقي .
يستحسن تستعملوالواقي عشرين دقيقة قبل الخروج من المنزل هاكة كاتستافد البشرة كتر وكانضمنو ليها حماية قصوى من اشعة الشمس الضارة.
الكريم متوفر في الصيدليات والمحلات الشبه صيدلة بثمن جد مناسب 180 درهم مغربي.
Merci bcp pour la revue ma belle
ردحذفاليوم شريت دايلونق وللمرة للأولى رايحة نديرو نصحني فيه صيدلي بعد ما جربت بزاف من منتوجات أخرين. شكراً
ردحذفهل هو آمن للحامل ، ام يسبب ضرر ؟!
حذفخني انا شريتو غير لبارح .انا بشرتي جافة وفيها تجاعيد حدا عيني.ولني ملي دخلت شفت تصاورو في كوكل لقيت فيه واحدة علامة في بواطة ديالو هدي لشريت انا مفيهاش هد علامة لكتكون حدا غطاء لورونج
ردحذفخديتو من برا فارمسي ب 180 درهم.انا شكيت حيت ملقيتش هديك علامة لبحال كتب فيها واحد شرطة زرقة حدا غلاقة انا ملقيتهاش .خفت لتكون مشي اصلية
ردحذفانا وصفهولي طبيب ومنسبنيش بيسك بشرتي دهنيه
ردحذفانا شريتو ليوم ورايحة نجربو ان شاءالله ينفعني
ردحذفالسلام عليم انا شريت هاد écrant شي اسبوع انا بشرتي جافة واش كيليق البشرة الجافة وشكرا
ردحذففيه نوعان الاول خاص بالشرة الجافة
حذفوالثاني خاص بالذهنية
حتى أنا شريتو ومالقيتش داك العلامة الزرقة . مافهمتش علاش ماكيناش
ردحذف